ବଲିଉଡରେ ଡେବ୍ୟୁ କରିବେ ନାଗା ଚୈତନ୍ୟ

Jan 30, 2021 - 09:22 Updated: Jan 30, 2021 - 09:22

2440

ବଲିଉଡ଼ରେ ପାଦ ଥାପିବେ ଲୋକପ୍ରିୟ ଦକ୍ଷିଣ ଭାରତୀୟ ଅଭିନେତା ନାଗା ଚୈତନ୍ୟ। ପୂର୍ବରୁ ସାଉଥ ସୁପରଷ୍ଟାର ନାଗାର୍ଜୁନ ବଲିଉଡ ଫିଲ୍ମରେ ଅଭିନୟ କରିଥିବା ବେଳେ ଏବେ ତାଙ୍କ ପୁଅ ନାଗା ଚୈତନ୍ୟଙ୍କ ବଲିଉଡ଼ ଡେବ୍ୟୁକୁ ନେଇ ଚର୍ଚ୍ଚା ଜୋର ଧରିଛି। ମିଳିଥିବା ସୂଚନା ମୁତାବକ, ଅମୀର ଖାନଙ୍କ ଅଭିନୀତ ଆଗାମୀ ଚଳଚ୍ଚିତ୍ର ‘ଲାଲ ସିଂହ ଚଡ୍ଡା’ ପାଇଁ ନାଗା ଚୈତନ୍ୟଙ୍କୁ ପ୍ରସ୍ତାବ ଦିଆଯାଇଛି। ନାଗା ଚୈତନ୍ୟ ବର୍ତ୍ତମାନ ଫିଲ୍ମ ‘ଥାଙ୍କ ୟୁ’ର ଶୁଟିଂରେ ବ୍ୟସ୍ତ ଅଛନ୍ତି। ରିପୋର୍ଟ ଅନୁଯାୟୀ, ଶୁଟିଂ ତାରିଖ ନେଇ କିଛି ସମସ୍ୟା ହେବାରୁ ସାଉଥ ସୁପରଷ୍ଟାର ବିଜୟ ସେତୁପତି ଅମୀର ଖାନଙ୍କ ଫିଲ୍ମ ‘ଲାଲ ସିଂହ ଚଡ୍ଡା’ରେ ଅଭିନୟ କରିବାକୁ ମନା କରିଦେଇଛନ୍ତି। ସେତୁପତିଙ୍କ ପରେ ଅମୀର ନାଗା ଚୈତନ୍ୟଙ୍କୁ ଆପ୍ରୋଚ୍ କରିଛନ୍ତି। ତେବେ ଏନେଇ ବିଧିବଦ୍ଧ ଭାବେ କୌଣସି ଘୋଷଣା ହୋଇନାହିଁ। ଯଦି ଏଭଳି ହୁଏ ତାହେଲେ ନାଗା ବଲିଉଡରେ ଡେବ୍ୟୁ କରିବେ।