ସମ୍ବଲପୁରରେ ୱାକଥନ ଓ ପଥ ଉତ୍ସବ କାଯ୍ୟକ୍ରମ
Arpit Pattnaik
ସମ୍ବଲପୁର ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲା ସ୍ତରୀୟ ୱକାଥନ ଓ ପଥ ଉତ୍ସବ କାଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ଏହି ପରିପ୍ରେକ୍ଷୀରେ ସହରର ଜିଲ୍ଲା ସ୍କୁଲ ଛକଠାରୁ ଆରମ୍ଭ ହୋଇଥିବା ୱକାଥନକୁ ଜିଲ୍ଲାପାଳ ସିଦ୍ଧେଶ୍ୱର ବଳିରାମ ବୋନ୍ଦର ପତାକା ଦେଖାଇ ଶୁଭାରମ୍ଭ କରିଥିଲେ। ଏହି କାର୍ଯ୍ୟକ୍ରମ ମାଧ୍ୟମରେ ନୂତନ ଭୋଟରଙ୍କୁ ନିର୍ବାଚନ ପ୍ରକ୍ରିୟାରେ ସାମିଲ କରିବାକୁ ପ୍ରୟାସ କରାଯାଇଛି। ଏଥିସହ ଭୋଟର ତାଲିକାରେ ସଂସୋଧନ, ଯୁବ ଭୋଟରଙ୍କ ମଧ୍ୟରେ ଭୋଟଦାନ ପ୍ରକ୍ରିୟା ନେଇ ଜନଜାଗରଣ ସୃଷ୍ଟି କରିବା ପାଇଁ ଏଭଳି କାଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ଏହାସହ ସହରର ଏସବିଆଇ ସମ୍ମୁଖରେ ପଥ ଉତ୍ସବ କାର୍ଯ୍ୟକ୍ରମ ମଧ୍ୟ ଆୟୋଜନ କରାଯାଇଥିଲା। ଏଥିରେ ରଙ୍ଗୋଲୀ କାଯ୍ୟକ୍ରମ, ସେଲଫି ପଏଣ୍ଟ, ଚିତ୍ରାଙ୍କନ, ମାର୍ସଲ ଆର୍ଟ, ଦସ୍ତଖତ ସଂଗ୍ରହ ଅଭିଯାନ କରାଯାଇ ଲୋକଙ୍କ ମଧ୍ୟରେ ଜନଜାଗରଣ ସୃଷ୍ଟି ପାଇଁ ପ୍ରୟାସ କରାଯାଇଥିଲା। ଏଥିରେ ଜିଲ୍ଲା ପ୍ରଶାସନର ସବୁ ବରିଷ୍ଠ ପଦାଧିକାରୀଙ୍କ ସହ ବିଭିନ୍ନ ଶିକ୍ଷାନୁଷ୍ଠାନ ଛାତ୍ରଛାତ୍ରୀ ଓ ବିଭିନ୍ନ ସଂଗଠନର ପ୍ରତିନିଧି ମାନେ ଉପସ୍ଥିତ ଥିଲେ। ଏହା ସହ ଗ୍ରାମାଞ୍ଚଳ ରେ ମଧ୍ୟ ଜନ ଯାଗାରଣ କରିବା ପାଇଁ ମଧ୍ୟ୍ୟ ଏହି କାର୍ଯ୍ୟକ୍ରମ କରାଯିବ l
