ବିଜୟଶଙ୍କର ଫିଟ ଘୋଷିତ
ବିଜୟଶଙ୍କର ଫିଟ ଘୋଷିତ
admin
6466
ଇଂଲଣ୍ଡ: ଇଂଲଣ୍ଡରେ ଖେଳାଯିବାକୁ ଥିବା କ୍ରିକେଟ ବିଶ୍ୱକପ ନିମନ୍ତେ ଭାରତୀୟ ଦଳରେ ସ୍ଥାନ ପାଇଛନ୍ତି ଅଲରାଉଣ୍ଡର ବିଜୟ ଶଙ୍କର । ତେବେ ନୁ୍ୟଜିଲାଣ୍ଡ ବିପକ୍ଷ ଅଭ୍ୟାସ ମ୍ୟାଚ ପୂର୍ବରୁ ବିଜୟଙ୍କ ଡାହାଣ ହାତରେ ଖଲିଲ ଅହମ୍ମଦଙ୍କ ଏକ ବଲ ମାଡ ହୋଇଥିଲା । ବଲ ମାଡରେ ବିଜୟଙ୍କ ହାତରେ କେତେ ପରିମାଣ ଆଘାତ ଲାଗିଛି ତାହା ଜାଣିବାକୁ ହାତର ସ୍କାନ କରାଯାଇଥିଲା । ପରୀକ୍ଷାରୁ ବିଜୟଙ୍କ ହାତ ହାଡ ଭାଙ୍ଗିନଥିବା ଜଣାପଡିଥିଲା । ଫଳରେ ବିଜୟଙ୍କୁ ବିଶ୍ୱକପ ନିମନ୍ତେ ଫିଟ ଘୋଷଣା କରାଯାଇଛି । ବିଜୟ ଶଙ୍କର ଶନିବାର ଭାରତ ପକ୍ଷରୁ ନୁ୍ୟଜିଲାଣ୍ଡ ବିପକ୍ଷ ଅଭ୍ୟାସ ମ୍ୟାଚରେ ଖେଳିନଥିବା ବେଳେ ଆସନ୍ତା ୨୮ରେ ବାଂଲାଦେଶ ବିପକ୍ଷ ମ୍ୟାଚରେ ପଡିଆକୁ ଓହ୍ଳାଇବେ ବୋଲି ଆଶା କରାଯାଉଛି । ବିଜୟ ଶଙ୍କରଙ୍କ ବ୍ୟତୀତ କେଦାର ଯାଦବ ମଧ୍ୟ ନୁ୍ୟଜିଲାଣ୍ଡ ବିପକ୍ଷ ଅଭ୍ୟାସ ମ୍ୟାଚରେ ଖେଳୁନାହାନ୍ତି । ଦୁଇଟି ଅଭ୍ୟାସ ମ୍ୟାଚ ଖେଳିବା । ପରେ ଭାରତୀୟ ଦଳ ବିଶ୍ୱକପରେ ନିଜ ପ୍ରଥମ ମ୍ୟାଚ ଦକ୍ଷିଣ ଆଫ୍ରିକା ବିପକ୍ଷରେ ଜୁନ ୫ ରେ ଖେଳିବ ।
