ମଧ୍ୟପ୍ରଦେଶରେ କମଳନାଥ-ସିନ୍ଧିଆ କଳି
ମଧ୍ୟପ୍ରଦେଶରେ କମଳନାଥ-ସିନ୍ଧିଆ କଳି
admin
3381
ଭୋପାଳ: ମଧ୍ୟପ୍ରଦେଶ କଂଗ୍ରେସରେ ଆଭ୍ୟନ୍ତରୀଣ କଳହ ଏବେ ତେଜିବାରେ ଲାଗିଛି । ସରକାରଙ୍କ କାମକୁ ନେଇ ଜ୍ୟୋତିରାଦିତ୍ୟ ସିନ୍ଧିଆ ତୀବ୍ର ଅସନ୍ତୋଷ ପ୍ରକାଶ କରିଥିବା ବେଳେ ମୁଖ୍ୟମନ୍ତ୍ରୀ କମଳନାଥ ମଧ୍ୟ ସିନ୍ଧିଆଙ୍କୁ କଡ଼ା ଜବାବ ଦେଇଛନ୍ତି । ନିଜ ଦଳର ସରକାର ବିରୋଧରେ ସିନ୍ଧିଆ ରାସ୍ତାକୁ ଓହ୍ଲାଇବେ ବୋଲି ଧମକ ଦେଇଥିବା ବେଳେ କମଳନାଥ କହିଛନ୍ତି ଯେ ସିନ୍ଧିଆ ରାସ୍ତାକୁ ଓହ୍ଲାଇ ସରକାର ବିରୋଧରେ ଆନେ୍ଦାଳନ କରିପାରିବେ, ଏଥିପାଇଁ ତାଙ୍କୁ କୌଣସି ବାରଣ ନାହିଁ । ରାଜ୍ୟ ସରକାର କୃଷକମାନଙ୍କ ଋଣ ଛାଡ଼ ପାଇଁ ଯେଉଁ ଘୋଷଣା କରି କ୍ଷମତାକୁ ଆସିଥିଲେ ତାହା ପୂରଣ ହୋଇପାରି ନାହିଁ ବୋଲି ସିନ୍ଧିଆ କହିବା ସହ ସରକାରକୁ ଘେରିଛନ୍ତି । ସିନ୍ଧିଆଙ୍କ ସମର୍ଥନରେ ଥିବା ବହୁ ବରିଷ୍ଠ ନେତା କମଳନାଥଙ୍କ ବିରୋଧରେ ଅସନ୍ତୋଷ ଜାହିର କରିଥିବାରୁ ଏହାର ସମାଧାନ ପାଇଁ ଶନିବାର ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା ।
