ରାଜ୍ୟରେ ଖୋଲିଲା ରେଷ୍ଟୁରାଣ୍ଟ ଓ ବାର
ରାଜ୍ୟରେ ଖୋଲିଲା ରେଷ୍ଟୁରାଣ୍ଟ ଓ ବାର
admin
5444
ଭୁବନେଶ୍ୱର : ରାଜ୍ୟ ସାରା ରେଷ୍ଟୁରାଣ୍ଟ ଓ ବାର ଖୋଲିବାକୁ ଅନୁମତି ମିଳିଛି । ଲୋକମାନେ ଏଣିକି ରେଷ୍ଟୁରାଣ୍ଟରେ ବସି ଖାଇପାରିବେ । ଏନେଇ ରାଜ୍ୟ ସରକାର ଅନୁମତି ଦେଇଛନ୍ତି । ପର୍ୟ୍ୟଟନ ନିଦେ୍ର୍ଧଶକ ସଚିନ ରାମଚନ୍ଦ୍ର ଯାସବ ଓଡ଼ିଶା ହୋଟେଏ ଆଣ୍ଡ ରେଷ୍ଟୁରାଣ୍ଟ ଆସୋସିଏସନ୍, ପଶ୍ଚିମ ଓଡ଼ିଶା ହୋଟେଲ ଆଣ୍ଡ ରେଷ୍ଟୁରାଣ୍ଟ ଆସୋସିଏସନ, ସମ୍ବଲପୁର, ରାଉରକେଲା ଓ ଝାରସୁଗୁଡ଼ା ଆସୋସିଏସନକୁ ଚିଠି ଲେଖିଛନ୍ତି ।
ପ୍ରକାଶ ଯେ, କରୋନା ପାଇଁ ଦୀର୍ଘ ୬ ମାସ ହେବ ସମସ୍ତ ରେଷ୍ଟୁରାଣ୍ଟ ଓ ବାର ବନ୍ଦ ରଖାଯାଇଥିଲା । କରୋନା ସଂକ୍ରମଣ ଭୟ କାରଣରୁ କେବଳ ପାର୍ସଲ ମାଧ୍ୟମରେ ରେଷ୍ଟୁରାଣ୍ଟ ଓ ବାର ଚାଲିଥିଲା । ଏକା ସାଙ୍ଗରେ ବସି ଖାଇଲେ କରୋନା ସଂକ୍ରମଣ ଭୟ କାରଣରୁ ଏପରି ନିଷ୍ପତ୍ତି ନିଆଯାଇଥିଲା । ତେବେ ସେତେବେଳେ କରୋନା ସଂକ୍ରମଣ ସଂଖ୍ୟା କମ୍ ଥିବା ସମୟରେ ରେଷ୍ଟୁରାଣ୍ଟ ଓ ବାର ବନ୍ଦ କରାଯାଇଥିବା ବେଳେ ଏବେ ଦିନକୁ ଦିନ ସଂକ୍ରମଣ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଏହି ସମୟରେ କିପରି ରେଷ୍ଟୁରାଣ୍ଟ ଓ ବାରକୁ ଅନୁମତି ଦିଆଗଲା ସେନେଇ ଲୋକଙ୍କ ମଧ୍ୟରେ ନାନା ପ୍ରଶ୍ନ ଉଙ୍କି ମାରିଛି । ତେବେ କୋଭିଡ-୧୯ ସଂକ୍ରମଣର ସମସ୍ତ ନିୟମକୁ ପାଳନ କରାଯାଇ ରେଷ୍ଟୁରାଣ୍ଟ ଓ ବାର ଖୋଲାଯାଇ ପାରିବ ବୋଲି ଚିଠିରେ କୁହାଯାଇଛି । ଯେଉଁ ସ୍ଥାନ କଣ୍ଟେନମେଣ୍ଟ ଜୋନ୍ ଘୋଷିତ ହୋଇଥିବ ସେଠାରେ ସ୍ଥାନୀୟ ପ୍ରଶାସନ ନିଷ୍ପତ୍ତି ନେବ ବୋଲି କୁହାଯାଇଛି ।
