ଖଟ୍ଟରଙ୍କ ବିବାଦୀୟ ବୟାନ : ସୋନିଆ ଗାନ୍ଧି ମଲା ମୂଷା
ଖଟ୍ଟରଙ୍କ ବିବାଦୀୟ ବୟାନ : ସୋନିଆ ଗାନ୍ଧି ମଲା ମୂଷା
admin
4717
ଚଣ୍ଡିଗଡ଼: ହରିୟାଣା ମୁଖ୍ୟମନ୍ତ୍ରୀ ଲାଲ ଖଟ୍ଟର ଏକ ନିର୍ବାଚନୀ ରାଲିରେ ଯୋଗ ଦେଇ କଂଗ୍ରେସର ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧିଙ୍କୁ ମଲା ମୂଷା ବୋଲି କହି ବିବାଦୀୟ ହୋଇ ପଡ଼ିଛନ୍ତି । ଏଭଳି ବୟାନ ପାଇଁ ତାଙ୍କୁ ବିଭିନ୍ନ ମହଲରୁ ନିନ୍ଦା କରାଯିବା ସହ କଂଗ୍ରେସ ପକ୍ଷରୁ ଏଭଳି ଚିନ୍ତାଧାରା ବିଜେପିର ମହିଳୂା ବିରୋଧୀ ଚରିତ୍ରକୁ ପ୍ରତିପାଦିତ କରୁଥିବା କୁହାଯାଇଛି । ଏହା ବ୍ୟତୀତ ଖଟ୍ଟର ଏଥିପାଇଁ କ୍ଷମା ମାଗନ୍ତୁ ବୋଲି କଂଗ୍ରେସ ପକ୍ଷରୁ ଦାବି କରାଯାଇଛି । ସେପଟେ ମହାରାଷ୍ଟ୍ର କଂଗ୍ରେସର କାର୍ଯ୍ୟକାରୀ ଅଧ୍ୟକ୍ଷ ନୀତୀନ ରାଉତ ଖଟ୍ଟରଙ୍କଚ ଖଚ୍ଚର ବୋଲି କଟାକ୍ଷ କରିଛନ୍ତି । ଟୁଇଟରରେ କଂଗ୍ରେସ ଲେଖିଛି ଯେ, ବିଜେପିର ମୁଖ୍ୟମନ୍ତ୍ରୀ ଦେଇଥିବା ବୟାନ କେବଳ ଅଶୋଭନୀୟ ନୁହେଁ ବରଂ ନିମ୍ନସ୍ତରୀୟ ତଥା ବିଜେପିର ନାନା ବିରୋଧୀ ଚରିତ୍ରକୁ ଦର୍ଶାଉଛି । ଏଥିନିମନ୍ତେ ଖଟ୍ଟର କ୍ଷମାପ୍ରାର୍ଥନା କରନ୍ତୁ । ଉଲ୍ଲେଖ ଯୋଗ୍ୟ ଖଟ୍ଟର ଏକ ନିର୍ବାଚନୀ ସଭାରେ ଯୋଗ ଦେଇ ଗାନ୍ଧି ପରିବାର ବପାହାରୁ କେହି କଂଗ୍ରେସ ଅଧ୍ୟକ୍ଷ ହେବେ ବୋଲି ରାହୁଲ ଗାନ୍ଧି କରିଥିବା ପ୍ରତିଶ୍ରୁତିକୁ ସ୍ମରଣ କରିଥିଲେ । କହିଥିଲେ କଂଗ୍ରେସ ଅଧ୍ୟକ୍ଷ ଚୟନ ପାଇଁ ୩ ମାସ ପରିଶ୍ରମ କରାଯାଇଥିଲା । କିନ୍ତୁ ଶେଷରେ ସୋନିଆଙ୍କୁ ଅଧ୍ୟକ୍ଷ କରାଗଲା । ଏହି ଅବସରରେ ସେ ସୋନିଆଙ୍କୁ ପାହାଡ଼ରୁ ବାହାରିଥିବା ମଲା ମୂଷା ବୋଲି କହିଥିଲେ ।
