ପୂର୍ବତନ ରାଷ୍ଟ୍ରପତି ପରଭେଜ ମୁଶାରଫଙ୍କୁ ଫାଶୀ ...
ପୂର୍ବତନ ରାଷ୍ଟ୍ରପତି ପରଭେଜ ମୁଶାରଫଙ୍କୁ ଫାଶୀ ...
admin
2000
ଇସଲାମାବାଦ - ପାକିସ୍ତାନର ପୂର୍ବତନ ସେନାଧ୍ୟକ୍ଷ ତଥା ପୂର୍ବତନ ରାଷ୍ଟ୍ରପତି ପରଭେଜ ମୁଶାରଫଙ୍କୁ ମୃତୁ୍ୟ ଦଣ୍ଡାଦେଶ ଦିଆଯାଇଛି । ପାକିସ୍ତାନର ସ୍ୱତନ୍ତ୍ର କୋର୍ଟ ତାଙ୍କୁ ଫାଶୀ ଦଣ୍ଡ ଶୁଣାଇଛନ୍ତି । ପାକିସ୍ତାନର ଇତିହାସରେ ପ୍ରଥମ ଥର ପାଇଁ ଜଣେ ପୂର୍ବତନ ସେନାଧ୍ୟକ୍ଷଙ୍କୁ ଫାଶୀ ଦଣ୍ଡାଦେଶ ଦିଆଯାଇଛି ।
ପେଶୱାର ହାଇକୋର୍ଟର ମୁଖ୍ୟ ବିଚାରପତି ୱାକର ଅହମ୍ମଦ ସେଠଙ୍କ ଅଧ୍ୟକ୍ଷତାରେ ଗଠିତ ତିନିଜଣିଆ ଖଣ୍ଡପୀଠ ଏଭଳି ରାୟ ଶୁଣାଇ ବିଶ୍ୱରେ ଚର୍ଚ୍ଚା ସୃଷ୍ଟି କରିଛନ୍ତି । ୨୦୦୭ରେ ଦେଶରେ ଜରୁରୀକାଳୀନ ଶାସନ ଜାରି ସହ ଅନ୍ୟ କେତେକ ଘଟଣାବଳୀକୁ ବିଚାରପତି ମଣ୍ଡଳୀ ଅନୁଧ୍ୟାନ କରିଥିଲେ । ତେବେ ୨୦୧୪ରୁ ମୁଶାରଫ ପାକିସ୍ତାନ ଛାଡ଼ି ବିଦେଶକୁ ପଳାଇଛନ୍ତି । ସେ କେବେ ଦୁବାଇ ଓ କେବେ ଲଣ୍ଡନରେ ରହୁଛନ୍ତି । ଚିକିତ୍ସା କରିବା ପାଇଁ ସେ ଅନୁମତି ନେବାପରେ ଦେଶ ଛାଡ଼ି ପଳାଇଯିବାରେ ସମର୍ଥ ହୋଇଥିଲେ । ପାକିସ୍ତାନ କୋର୍ଟ ପକ୍ଷରୁ ତାଙ୍କୁ ବାରମ୍ବାର ସମନ କରାଯାଇଥିଲେ ବି ସେ କୌଣସି ଉତର ରଖିନଥିଲେ ।
