ଭୂମି ପେଡେନକରଙ୍କ ତିନିଟି ଯାକ ଫିଲ୍ମ ବକ୍ସ ଅଫିସରେ ହିଟ୍
ଭୂମି ପେଡେନକରଙ୍କ ତିନିଟି ଯାକ ଫିଲ୍ମ ବକ୍ସ ଅଫିସରେ ହିଟ୍
admin
3131
ଖୁବ୍ କମ୍ ସମୟରେ ସିନେ ଇଣ୍ଡଷ୍ଟି୍ରରେ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି ଅଭିନେତ୍ରୀ ଭୂମି ପେଡେନକର । ଏ ବର୍ଷ ଏକ ସଙ୍ଗେ ତାଙ୍କର ତିନିଟି ଯାକ ଫିଲ୍ମ ଷାଣ୍ଢ କି ଅାଁଖ, ‘ବାଲା’ ଓ ପତି ପତ୍ନୀ ଔର ୱ’ ବକ୍ସ ଅଫିସରେ ଭଲ ବ୍ୟବସାୟ କରୁଛି । ଏଭଳି ସଫଳତା ହୁଏତ ଖୁବ୍ କମ୍ ଅଭିନେତ୍ରୀଙ୍କ ଭାଗ୍ୟରେ ସମ୍ଭବ ହୋଇଛି । ଥିଏଟରରେ ଫିଲ୍ମଟି ଚାଲିବା ସମ୍ପୂର୍ଣ୍ଣ ଭାବେ ଦର୍ଶକଙ୍କ ଭଲପାଇବା ଉପରେ ନିର୍ଭର କରେ । ଦର୍ଶକ ଯଦି ଫିଲ୍ମକୁ ଗ୍ରହଣ କରନ୍ତି, ତେବେ ତାହା ସଫଳ ହୁଏ । ଏ ପରିପ୍ରେକ୍ଷୀରେ ଭୂମିଙ୍କ ସବୁ ଫିଲ୍ମକୁ ଦର୍ଶକ ଓ ସମାଲୋଚକଙ୍କ ଭଲପାଇବା ଓ ପ୍ରଶଂସା ମିଳିଛି, ସେଥିପାଇଁ ସେ କୃତଜ୍ଞ । ଏଥିପାଇଁ ସମସ୍ତ ଧନ୍ୟବାଦ ବି ଜଣାଇଛନ୍ତି । କାହାଣୀର ଡିମାଣ୍ଡ ଅନୁସାରେ ନିର୍ମାତା ସବୁବେଳେ ତାଙ୍କୁ ଚୟନ କରିଛନ୍ତି ଏବଂ ଫିଲ୍ମର ସଫଳତା ଜଣେ କଳାକାର ଭାବେ ତାଙ୍କୁ ମାନ୍ୟତା ଦେଇଛି ବୋଲି ଭୂମି କହିଛନ୍ତି । ନିକଟରେ ମୁକ୍ତିଲାଭ କରିଛି ତାଙ୍କ ଅଭିନୀତ ‘ପତି, ପତ୍ନୀ ଔର ୱ’ । ଆଧୁନିକ ପତ୍ନୀ ଭାବେ ଚମକ୍ରାର ଅଭିନୟ ମାଧ୍ୟମରେ ଦର୍ଶକଙ୍କର ସେ ଅତି ପ୍ରିୟ ହୋଇଛନ୍ତି । ନିଜର ଠକ ସ୍ୱାମୀଙ୍କ ଆଗରେ ସେ ଯେଉଁଭଳି ଭାବେ ଠିଆ ହୋଇଛନ୍ତି, ଦର୍ଶକ ତାଙ୍କୁ ଖୁବ ପସନ୍ଦ କରିଛନ୍ତି । ଏହା ପୂର୍ବରୁ ଫିଲ୍ମ ‘ବାଲା’ରେ ମଧ୍ୟ ତାଙ୍କୁ ଖୁବ ପ୍ରଶଂସା କରିଛନ୍ତି ଦଶଚ । ଗୋଟିଏ ଦିନରେ ୩ଟି ଫିଲ୍ମ ରିଲିଜ ହୋଇ ମଧ୍ୟ ଭୂମିଙ୍କ ‘ଷାଣ୍ଢ କି ଅାଁଖ’ ଦର୍ଶକଙ୍କ ଦୃଷ୍ଟି ଆକର୍ଷଣ କରିବାରେ ସଫଳ ହୋଇଛି । ଏବେ ବି ଫିଲ୍ମଟି ସଫଳତା ପୂର୍ବକ ଥିଏଟରରେ ଚାଲିଛି ।
