ଆଫଗାନିସ୍ତାନ ବିଜୟ ପାଇଁ ଭାରତର ପ୍ରାର୍ଥନା
ଆଫଗାନିସ୍ତାନ ବିଜୟ ପାଇଁ ଭାରତର ପ୍ରାର୍ଥନା
admin
6655
ଦୁବାଇ:ହେ ପ୍ରଭୁ, ଆଜି ଆଫଗାନିସ୍ତାନ ମ୍ୟାଚ ଜିତିଯାଉ। ଭାରତର ୧୩୫ କୋଟି ଭାରତୀୟ ଆଜି ଏଭଳି ପ୍ରାର୍ଥନା କରୁଛନ୍ତି। ଆଜି ଟି-୨୦ ବିଶ୍ୱକପରେ ଆଫଗାନିସ୍ତାନ ଓ ନ୍ୟୁଜିଲ୍ୟାଣ୍ଡ ମଧ୍ୟରେ ମ୍ୟାଚ୍ ଖେଳାଯିବ। ପ୍ରତି ଭାରତୀୟ ଏହି ମ୍ୟାଚ୍ ଉପରେ ନଜର ରଖିଛନ୍ତି। କାରଣ ଆଫଗାନିସ୍ତାନ ଯଦି ଏହି ମ୍ୟାଚ୍ ଜିତେ, ତାହେଲେ ଭାରତ ପାଇଁ ସେମିଫାଇନାଲ୍ ବାଟ ଫିଟିପାରିବ। ଆଫଗାନିସ୍ତାନ ଜିତିଲେ ଭାରତ ତାର ପରବର୍ତ୍ତୀ ମ୍ୟାଚରେ ନାମ୍ବିଆଠାରୁ ବଡ଼ ରନରେଟରେ ଜିତି ସେମି ଫାଇନାଲ ପାଇଁ ଟିକେଟ ପାଇପାରିବ। ହେଲେ ନ୍ୟୁଜିଲ୍ୟାଣ୍ଡ ଜିତିଲେ ଭାରତ ପାଇଁ ବିଶ୍ଵକପ କବାଟ ବନ୍ଦ ହୋଇଯିବ।
ପାକିସ୍ତାନ ଓ ନ୍ୟୁଜିଲ୍ୟାଣ୍ଡଠାରୁ ଶୋଚନୀୟ ପରାଜୟ ପରେ ଚାରିଆଡୁ ସମାଲୋଚିତ ଟିମ ଇଣ୍ଡିଆ ଗତ ଦୁଇ ମ୍ୟାଚରେ ଜବରଦସ୍ତ ପ୍ରଦର୍ଶନ କରି ପୁଣି ଆଶା ଦେଖାଇଛି। ଏମିତିକି ପଏଣ୍ଟ ଟେବୁଲରେ ନେଟ ରନ ରେଟରେ ଭାରତ ପୂରା ତଳୁ ଉଠି ସଭିଙ୍କ ଠାରୁ ଆଗରେ ଅଛି। ତେବେ ଭାରତ ହାତରେ ସୁଯୋଗ କମ ରହିଛି। ସବୁକିଛି ନିର୍ଭର କରୁଛି ଆଫଗାନିସ୍ତାନ ଓ ନ୍ୟୁଜିଲ୍ୟାଣ୍ଡ ମ୍ୟାଚର ଫଳାଫଳ ଉପରେ। ଏବେ ନ୍ୟୁଜିଲ୍ୟାଣ୍ଡର ମୋଟ ୬ ପଏଣ୍ଟ ଅଛି। ଏଭଳି ସ୍ଥିତିରେ ଯଦି ଆଫଗାନିସ୍ତାନକୁ ସେମାନେ ହରାଇ ଦିଅନ୍ତି, ତାହେଲେ କିୱି ଟିମ୍ ସିଧା ସେମିଫାଇନାଲରେ ପହଞ୍ଚି ଯିବ। ଆଉ ଏହା ପରେ ନ୍ୟୁଜିଲ୍ୟାଣ୍ଡକୁ କୌଣସି ନେଟ୍ ରନରେଟର ଆବଶ୍ୟକ ପଡ଼ିବ ନାହିଁ। ଏମିତି ହେଲେ ଭାରତ ପାଇଁ ନାମିବିଆ ବିପକ୍ଷ ମ୍ୟାଚର କୌଣସି ଗୁରୁତ୍ୱ ରହିବ ନାହିଁ। ମାତ୍ର ଆଫଗାନିସ୍ତାନ ଜିତିଲେ ଭାରତକୁ ନାମ୍ବିଆ ବିପକ୍ଷ ମ୍ୟାଚରେ ଦମଦାର ବିଜୟ ହାସଲ କରିବାକୁ ପଡ଼ିବ।
