ବଲିଉଡର ଏହି ହିରୋଇନମାନେ ଆଜି ଯାଏଁ ହୋଇନାହାଁନ୍ତି ମା’
ବଲିଉଡର ଏହି ହିରୋଇନମାନେ ଆଜି ଯାଏଁ ହୋଇନାହାଁନ୍ତି ମା’
admin
2662
ବାହାଘରର ଏତେ ବର୍ଷ ପରେ ବି ମା ହୋଇପାରିନାହାଁନ୍ତି ବଲିଉଡର ଏହି ଅଭିନେତ୍ରୀମାନେ । ବଲିଉଡରେ ପ୍ରାୟତଃ ସବୁ ଅଭିନେତ୍ରୀମାନେ ଫିଲ୍ମରେ ମା’ର ଅଭିନୟ କରିଛନ୍ତି । କିନ୍ତୁ ଏମିତି କିଛି ଅଭିନେତ୍ରୀ ଅଛନ୍ତି ଯେଉଁମାନଙ୍କୁ ବଡ ପରଦାରେ ତ ମା’ର ଅଭିନୟ କରିବାର ସୁଯୋଗ ମିଳିଛି କିନ୍ତୁ ଅସଲ ଜୀବନରେ ସେମାନଙ୍କୁ କେବେ ମା’ ହେବାର ସୌଭାଗ୍ୟ ମିଳିପାରିନାହିଁ । ଆଜି ଆପଣଙ୍କୁ ସେହି ଅଭିନେତ୍ରୀଙ୍କ ବିଷୟରେ କହିବୁ ଯେଉଁମାନଙ୍କୁ ମା’ ହେବାର ସୁଖ ମିଳିପାରିନାହିଁ ।
ସାୟରା ବାନୋ: ବଡ ବଡ ଆଖି ବାଲା ଅଭିନେତ୍ରୀ ସାୟରା ବାନୋ କୋଟି କୋଟି ହୃଦୟରେ ରାଜ କରିଛନ୍ତି । ଅଭିନେତ୍ରୀ ସାୟରା ବାନୋଙ୍କ ଜନ୍ମ ୨୩ ଅଗଷ୍ଟ ୧୯୪୪ରେ ହୋଇଥିଲା । ସାୟରା ବାନୋ ଇଣ୍ଡଷ୍ଟ୍ରିରେ କେତେକ ହିଟ ଫିଲ୍ମରେ କାମ କରିଛନ୍ତି । ସେ ସୁପରଷ୍ଟାର ଦିଲ୍ଲୀପ କୁମାରଙ୍କୁ ବିବାହ କରିଛନ୍ତି । କିନ୍ତୁ ବାସ୍ତବିକ ଜୀବନରେ ସାୟରା ବାନୋ ମା’ ହୋଇନାହାଁନ୍ତି । ବିବାହର ଅନେକ ବର୍ଷ ବିତିଯାଇଥିଲେ ମଧ୍ୟ ସେ ମା’ ହୋଇପାରିନାହାଁନ୍ତି ।
ଜୟପ୍ରଦା: ସୁନ୍ଦର ଅଭିନେତ୍ରୀଙ୍କ ମଧ୍ୟରେ ଜୟପ୍ରଦା ବି ସାମିଲ ଅଛନ୍ତି । ସେ ୧୯୮୬ରେ ଶ୍ରୀକାନ୍ତ ନାହଟାଙ୍କୁ ବିବାହ କରିଥିଲେ । ବିବାହର ୩୫ ବର୍ଷ ସତ୍ୱେ ବି ଜୟପ୍ରଦାଙ୍କୁ ମା’ ହେବାର ସୁଖ ମିଳିନି ।
ଶବାନା ଆଜମୀ: ବଲିଉଡର ଅଭିନେତ୍ରୀ ଶବାନା ଆଜମୀ ନିଜର ଦମଦାର ଅଭିନୟ ମାଧ୍ୟମରେ ବଲିଉଡରେ ଏକ ଭିନ୍ନ ପରିଚୟ ସୃଷ୍ଟି କରିଛନ୍ତି । ତାଙ୍କୁ ୫ ଥର ରାଷ୍ଟ୍ରୀୟ ପୁରଷ୍କାର ମଧ୍ୟ ମିଳିଛି । ସେ ବଲିଉଡର ଫେମସ ଲେଖକ ଓ ଗୀତିକାର ଜାବେଦ ଅଖ୍ତରଙ୍କୁ ୧୯୯୪ରେ ବିବାହ କରିଥିଲେ । କିନ୍ତୁ ଦୁଇ ଜଣଙ୍କୁ ସନ୍ତାନର ସୁଖ ମିଳିପାରିନି ।
କିରନ ଖେର: ବଲିଉଡର ସଫଳ ଅଭିନେତ୍ରୀଙ୍କ ମଧ୍ୟରୁ କିରଣ ଖେର ଜଣେ ଅଟନ୍ତି । ମା’ଙ୍କ ରୋଲରେ ସେ ବହୁତ ଭଲ ଲାଗନ୍ତି । କିରଣ ଖେର ବଲିଉଡର କଳାକାର ଅନୁପମ ଖେରଙ୍କ ଦ୍ୱିତୀୟ ପତ୍ନୀ ଅଟନ୍ତି । କିନ୍ତୁ ତାଙ୍କୁ ମା ହେବାର ସୁଖ ମିଳିନାହିଁ ।
