ସୁନନ୍ଦାଙ୍କୁ ମରଣୋତ୍ତର ପଦ୍ମ ପୁରସ୍କାର ପାଇଁ ଦାବୀ
ସୁନନ୍ଦାଙ୍କୁ ମରଣୋତ୍ତର ପଦ୍ମ ପୁରସ୍କାର ପାଇଁ ଦାବୀ
admin
2609
ଆଠଗଡ – ଗତ ୧୯ ତାରିଖ ରବିବାର ସକାଳେ ୮୫ ବର୍ଷ ବୟସରେ କୋଲକାତାରେ ଶେଷ ନିଶ୍ୱାସ ତ୍ୟାଗ କରିଛନ୍ତି ବଡମ୍ବାର ବରପୁତ୍ରୀ ତଥା ଓଡ଼ିଆ ସଂଗୀତ ଜଗତର ସ୍ୱନାମଧନ୍ୟ ଗାୟିକା ସୁନନ୍ଦା ପଟ୍ଟନାୟକ। ତାଙ୍କର ମୃତ୍ୟୁରେ ଗଭୀର ଶୋକ ପ୍ରକାଶ କରିବା ସହ ମରଣୋତ୍ତର ପଦ୍ମ ପୁରସ୍କାର ପାଇଁ ସୋସିଆଲ ମେଡିଆରେ ଦାବି କରିଛନ୍ତି ସାହିତି୍ୟକ ତଥା ବରିଷ୍ଠ ରାଜନୀତିଜ୍ଞ ବିଭୁତି ଭୁଷଣ ମିଶ୍ର । ସେ କହିଛନ୍ତି ଯେ ସୁନନ୍ଦା ପଟ୍ଟନାୟକଙ୍କୁ ଜୀବିତା ଅବସ୍ଥାରେ ତ ନହେଲାନାହିଁ, ଅନ୍ତତଃ ଏବେ ମରଣୋତର ଭାବରେ ଗୋଟିଏ ପଦ୍ମ ପୁରସ୍କାର ସହ ତାଙ୍କ ପ୍ରତିଭାକୁ ସମ୍ମାନ ଜଣାଇବା ପାଇଁ ରାଜ୍ୟ ସରକାର ତଥା ବଡ଼ମ୍ବା ଓ ଆଠଗଡ଼ ଵିଧାୟକଙ୍କୁ ଅନୁରୋଧ।
କାଳଜୟୀ କବି ସ୍ୱର୍ଗତ ବୈକୁଣ୍ଠନାଥ ପଟ୍ଟନାୟକଙ୍କ ଝିଅ ସୁନନ୍ଦା ୧୯୩୪ ମସିହା ନଭେମ୍ବର ୭ରେ ଜନ୍ମଗ୍ରହଣ କରିଥିଲେ। ୧୯୪୮ ମସିହାରେ ମାତ୍ର ୧୪ ବର୍ଷ ବୟସରେ ସେ କଟକ ଅଲ୍ ଇଣ୍ଡିଆ ରେଡିଓରୁ ସଙ୍ଗୀତ ଗାନ ଆରମ୍ଭ କରିଥିଲେ କ୍ଷ ୧୯୩୪ ମସିହା ନଭେମ୍ବର ୭ ତାରିଖ ରେ ସେ ଜନ୍ମ ଗ୍ରହଣ କରିଥିଲେ କ୍ଷ ୧୯୮୩ ମସିହାରୁ କୋଲକାତାରେ ରହୁଥିଲେ । ଓଡିଶାର ଗ୍ଵାଲିୟର ଘରକ୍ଷନକ୍ଷ ର ଭାରତୀୟ ଶାସ୍ତ୍ରୀୟ ଗାୟିକା ଥିଲେ । ୧୯୫୬ ମସିହା ରେ ପୁନେ ସ୍କୁଲରୁ ସଙ୍ଗୀତରେ ସ୍ନାତକ କରିଥିଲେ। କୋଲକାତା ସଦରଙ୍ଗ ସଙ୍ଗୀତ ସମ୍ମୀଳନୀରେ ସଙ୍ଗୀତ ପରିବେଷଣ କରି ୧୩ ଟି ସ୍ଵର୍ଣ୍ଣ ମୁଦ୍ରା ହାସଲ କରିଥିଲେ। ଭାରତରେ ବିଭିନ୍ନ ସ୍ଥାନରେ ସଙ୍ଗୀତ ପରିବେଷଣ କରି ଆନ୍ତର୍ଜାତୀୟ ସ୍ତରରେ ଖ୍ୟାତି ଅର୍ଜନ କରିଥିଲେ । ୧୯୭୦ ଓ ୧୯୭୧ ରେ ଓଡିଶା ସଙ୍ଗୀତ ନାଟକ ଏକାଡ଼େମୀ ପୁରସ୍କାର, ୨୦୦୯ରେ ଭାରତୀୟ ଜୀବନ ବ୍ୟାପି ସାଧନା ସମ୍ମାନ, ଓଡିଶା ସୋସାଇଟି ଅଫ୍ ଆମେରିକା ପକ୍ଷରୁ ୨୦୧୨ ରେ ଜୀବନ ବ୍ୟାପି ସାଧନା ସମ୍ମାନ ହାସଲ କରିଥିଲେ । ୨୦ ୧୨ ରେ ସଙ୍ଗୀତ ନାତକ ଏକାଡେମୀ ପୁରସ୍କାର (ଟାଗୋର ଅକାଦମୀ ପୁରସ୍କାର) ପାଇଥିଲେ। ୧୯୯୯ ରେ ଉତ୍କଳ ବିଶ୍ୱବିଦ୍ୟାଳୟରୁ ତାଙ୍କୁ ସାହିତ୍ୟ କ୍ଷେତ୍ରରେ ଡକ୍ଟରେଟ ଡିଗ୍ରୀ ଓ ୧୯୭୫ ରେ ଅଖିଳ ଭାରତୀୟ ଗନ୍ଧର୍ବ ମହାବିଦ୍ୟାଳୟ ମଣ୍ଡଳ ଦ୍ଵାରା ସଙ୍ଗୀତ ରେ ଡକ୍ଟରରେଟ ଡିଗ୍ରୀ ପ୍ରଦାନ କରାଯାଇଥିଲା ।
