କଟକଟାରେ ବି କଲେ ଯାତ୍ରା, ଯାତ୍ରାପାର୍ଟି ମାଲିକଙ୍କୁ ୫୦ ହଜାର ଜରିମାନା
କଟକଟାରେ ବି କଲେ ଯାତ୍ରା, ଯାତ୍ରାପାର୍ଟି ମାଲିକଙ୍କୁ ୫୦ ହଜାର ଜରିମାନା
admin
2642
ଭୋଗରାଇ: କରୋନା ପାଇଁ କୌଣସି ପରିସ୍ଥିତିରେ ଭିଡ଼କୁ ଅନୁମତି ଦିଆଯିବ ନାହିଁ । ଏଥିପାଇଁ କେନ୍ଦ୍ର ଓ ରାଜ୍ୟ ସରକାର କଟକଣା ଜାରି କରିଛନ୍ତି । ତଥାପି ଏ କଟକଣାକୁ ଖାତିର ନ କରି ଯାତ୍ରା ଓ ମେଲୋଡ଼ି ଆୟୋଜିତ ହୋଇଥିଲା ବାଲେଶ୍ୱର ଜିଲ୍ଲା ଅନ୍ତର୍ଗତ ଭୋଗରାଇ ବ୍ଲକର ନିମାତପୁର ହାଟପଡ଼ିଆରେ । ଏଥିପାଇଁ ସମ୍ପୃକ୍ତ ଯାତ୍ରା ମାଲିକଙ୍କୁ ୫୦,୦୦୦ ଟଙ୍କା ଜରିମାନା ଦେବାକୁ ପଡ଼ିଛି । କିଛି ଅମାନିଆ ଯୁବକ ବିଶ୍ୱକର୍ମା ପୂଜା ଓ ମନସା ପୂଜା ଅବସରରେ ଯାତ୍ରା କାର୍ଯ୍ୟକ୍ରମର ଆୟୋଜନ କରିଥିଲେ । ଗୌରାଙ୍ଗ ଜିଉ ଗଣନାଟ୍ୟ ନାମକ ଏକ ସ୍ଥାନୀୟ ଯାତ୍ରାପାର୍ଟି ପକ୍ଷରୁ ଯାତ୍ରା ମଞ୍ଚସ୍ଥ ହୋଇଥିଲା । ଏହାକୁ ଦେଖିବା ପାଇଁ ମଧ୍ୟ ଶହ ଶହ ଲୋକଙ୍କ ଭିଡ ଜମାଇଥିଲେ । ନା କରୋନାକୁ ଆୟୋଜକଙ୍କ ଭୟ ଥିଲା ନା ଦେଖଣାହାରୀଙ୍କର । ଅଭିଯୋଗ ହେବା ପରେ ଅତିରିକ୍ତ ତହସିଲଦାର ସନ୍ତୋଷ କୁମାର ପାଣିଗ୍ରାହୀ ପହଞ୍ଚି ତଦନ୍ତ କରିବା ସହ ଯାତ୍ରାପାର୍ଟି ମାଲିକ ସୁଦାମ ଦାସଙ୍କଠାରୁ ୫୦ ହଜାର ଟଙ୍କା ଜରିମାନା କରିଛନ୍ତି । ଆୟୋଜକଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ । ଯାହାକୁ ନେଇ ସାଧାରଣରେ ବି ପ୍ରଶ୍ନବାଚୀ ସୃଷ୍ଟି ହୋଇଚି । କିଛି ଲୋକ ଅଭିଯୋଗ କରିଛନ୍ତି ଯେ ଏତେ ଭିଡ଼ ସତ୍ତ୍ୱେ ପୁଲିସ ପକ୍ଷରୁ କୌଣସି ପଦକ୍ଷେପ ଗ୍ରହଣ କରାଯାଇନାହିଁ ।
