ଡବଲ ଡୋଜ ଟିକା ନେଇଥିବା ବ୍ୟକ୍ତିଙ୍କ ଉପରୁ ମାସ୍କ କଟକଣା ହଟାଇଲା ଆମେରିକା
ଡବଲ ଡୋଜ ଟିକା ନେଇଥିବା ବ୍ୟକ୍ତିଙ୍କ ଉପରୁ ମାସ୍କ କଟକଣା ହଟାଇଲା ଆମେରିକା
admin
5999
ୱାଶିଂଟନ: ଆମେରିକାରେ କରୋନା ସ୍ଥିତି ଧୀରେ ଧୀରେ ସୁଧୁରିବାରେ ଲାଗୁଛି । ଏହାକୁ ଦୃଷ୍ଟିରେ ରଖି ଆମେରିକାରେ ବିଭିନ୍ନ କଟକଣା କୋହଳ କରାଯାଇଛି । ଉଭୟ ଡୋଜ ଟିକା ନେଇ ସାରିଥିବା ବ୍ୟକ୍ତିଙ୍କ ଉପରୁ ମାସ୍କ କଟକଣା ହଟାଇ ଦିଆଯାଇଛି । ସମ୍ପୂର୍ଣ୍ଣ ରୂପେ ଟିକା ନେଇ ସାରିଥିଲେ ସାମାଜିକ ଦୂରତା ପାଳନ କରିବା ମଧ୍ୟ ଆବଶ୍ୟକ ହେବ ନାହିଁ । ସେଣ୍ଟର ଫର ଡିଜିଜ କଣ୍ଟ୍ରୋଲ (ସିଡିସି) ପକ୍ଷରୁ ଗୁରୁବାର ଏକ ନିଦେ୍ର୍ଧଶନାମା ଜାରି କରି ଏହି ସୂଚନା ଦିଆଯାଇଛି । ତେବେ ବସ, ଟ୍ରେନ, ବିମାନରେ ଯାତ୍ରା କରିବା ସମୟରେ ମାସ୍କ ପିନ୍ଧିବା ବାଧ୍ୟତା ମୂଳକ ରଖାଯାଇଛି । ହସ୍ପିଟାଲ ପରିସରରେ ମଧ୍ୟ ସମସ୍ତଙ୍କୁ ମାସ୍କ ପିନ୍ଧିବାକୁ ହେବ । ସମ୍ପୂର୍ଣ୍ଣ ରୂପେ ଟିକା ନେଇ ନଥିବା ଲୋକଙ୍କ ପାଇଁ ମାସ୍କ ଏବଂ ସାମାଜିକ ଦୂରତା ଆଦି ନିୟମ ପୂର୍ବ ଭଳି ବଳବତ୍ତର ରହିବ । ହ୍ୱାଇଟ ହାଉସ ସହ ଆଲୋଚନା କରି ସିଡିସି ଏହି ନିଷ୍ପତ୍ତି ନେଇଛି । ଆମେରିକା ରାଷ୍ଟ୍ରପତି ଜୋ ବାଇଡେନ ଏ ନେଇ କହିଛନ୍ତି ଯେ ଏହା ନିଶ୍ଚିତ ରୂପେ କରୋନା ବିରୋଧରେ ବିଜୟ । ସ୍ଥିତି ଧୀରେ ଧୀରେ ପୂର୍ବ ଭଳି ହେବାରେ ଲାଗୁଛି । ଖୁବ କମ ଦିନ ମଧ୍ୟରେ ଅନେକ ଲୋକଙ୍କୁ ଟିକା ଦିଆଯାଇ ଆମେରିକା ଏହି ମାଇଲ ଖୁଣ୍ଟ ପ୍ରତିଷ୍ଠା କରିଛି ।
