ବାଗଦାଦିର ମୃତୁ୍ୟ ଘଟଣା : ଗୁପ୍ତଚରକୁ ମିଳିବ ୨୫ ନିୟୁତ
ବାଗଦାଦିର ମୃତୁ୍ୟ ଘଟଣା : ଗୁପ୍ତଚରକୁ ମିଳିବ ୨୫ ନିୟୁତ
admin
5622
ନୁୟର୍କ: ଆତଙ୍କବାଦୀ ସଂଗଠନ ଇସଲାମିକ ଷ୍ଟେଟ (ଆଇଏସ)ର ମୁଖିଆ ଅବୁ ବକର ଅଲ ବାଗଦାଦିକୁ ନିପାତ କରିବାରେ ପ୍ରମୁଖ ଯୋଗଦାନ ଦେଇଥିବା ଜଣେ ଗୁପ୍ତଚରକୁ ଆମେରିକା ଦ୍ୱାରା ୨୫ ନିୟୁତ ଡଲାର ଅର୍ଥ ପୁରସ୍କାର ପ୍ରଦାନ କରାଯିବ । ସେଇ ଗୁପ୍ତଚର ଜଣକ ପ୍ରକୃତରେ ଆଇଏସର ଜଣେ ସୁରକ୍ଷା ପରାମର୍ଶ ଦାତା ଥିଲା ଏବଂ ସେ ବାଗଦାଦିର ବି ଖୁବ ନିକଟତର ଥିଲା । ବାଗଦାଦି ଯେଉଁ କୋଠାରେ ଲୁଚିଥିଲା, ସେଠାରେ ଉକ୍ତ ଗୁପ୍ତଚର ବି ରହୁଥିଲା । ସେ ହିଁ ବାଗଦାଦିର ଅନ୍ତଃବସ୍ତ୍ର ଚୋରି କରିବା ସହିତ ତାର ରକ୍ତ ନମୁନା କୁର୍ଦ୍ଧମାନଙ୍କ ଜରିଆରେ ଆମେରିକାକୁ ଯୋଗଇ ଦେଇଥିଲା । ସେ ଉକ୍ତ କୋଠାର ନକ୍ସା ସହିତ ସେଠାରେ ଜଗିଥିବା ସୁରକ୍ଷାକର୍ମୀ ଏବଂ ଅନ୍ୟାନ୍ୟ ବିଷୟରେ ତଥ୍ୟ ପ୍ରଦାନ କରିଥିଲା । ଏହା ଯୋଗୁଁ ବାଗଦାଦିକୁ ମାରିବା ସହଜସାଧ୍ୟ ହୋଇଥିଲା । ଆମେରିକା ପୂର୍ବରୁ ଘୋଷଣା କରିଥିଲା ଯେ କେହି ବାଗଦାଦି ସମ୍ପର୍କରେ ସୂଚନା ଦେଲେ ତାକୁ ୨୫ ନିୟୁତ ଡଲାର ଅର୍ଥ ପୁରସ୍କାର ପ୍ରଦାନ କରାଯିବ । ଏବେ ସେଇ ଅର୍ଥ ରାଶିକୁ ଉକ୍ତ ଗୁପ୍ତଚରକୁ ଦିଆଯିବ ବୋଲି କୁହାଯାଉଛି ।
