ବିଷ୍ଣୁ ସେଠୀ ବିଜେପି ବିଧାୟକ ଦଳ ଉପନେତା
ବିଷ୍ଣୁ ସେଠୀ ବିଜେପି ବିଧାୟକ ଦଳ ଉପନେତା
admin
4399
ଭୁବନେଶ୍ୱର: ଧାମନଗର ବିଧାୟକ ବିଷ୍ଣୁ ସେଠୀ ବିଜେପି ବିଧାୟକ ଦଳର ଉପନେତା ଭାବେ ନିର୍ବାଚିତ ହୋଇଛନ୍ତି । ସେହିପରି ବିଜେପି ବିଧାୟକ ଦଳ ମୁଖ୍ୟ ସଚେତକ ଭାବେ ମୋହନ ମାଝୀଙ୍କୁ କରାଯାଇଛି । ଏନେଇ ବିଜେପି ମୁଖପାତ୍ର ଗୋଲକ ବିହାରୀ ମହାପାତ୍ର ସୂଚନା ଦେଇଛନ୍ତି ।
ସୂଚନା ଯୋଗ୍ୟ ଯେ, ଶ୍ରୀ ସେଠୀ ୨୦୦୦ ମସିହାରେ ଚାନ୍ଦବାଲି ବିଧାୟକଭାବେ ନିର୍ବାଚିତ ହୋଇଥିଲେ । ଗତ ନିର୍ବାଚନରେ ସେ ପୁଣି ଥରେ ନିର୍ବାଚିତ ହୋଇ ଦ୍ୱିତୀୟ ଥର ପାଇଁ ବିଧାନସଭାକୁ ଆସିଛନ୍ତି । ଛାତ୍ର ରାଜନୀତିରୁ କ୍ୟାରିୟର ଆରମ୍ଭ କରିଥିବା ଶ୍ରୀ ସେଠୀ ସାମ୍ବାଦିକତା ମଧ୍ୟ କରୁଥିଲେ । ‘ବିଶେଷ ଖବର’ର ସେ ସହ-ସମ୍ପାଦକଭାବେ କାର୍ଯ୍ୟ କରିବା ସହ ଭଦ୍ରକ ଜିଲ୍ଲା ବିଜେପିର ମଧ୍ୟ ସଭାପତି ରହିଥିଲେ ।
